सीटीईटी परीक्षा २०२०: कसा आहे पेपर पॅटर्न?

सीटीईटी परीक्षा २०२०: कसा आहे पेपर पॅटर्न?

केंद्रीय माध्यमिक शिक्षण मंडळातर्फे घेण्यात येणारी शिक्षक पात्रता परीक्षा (CTET) रविवार ५ जुलै २०२० रोजी होणार आहे. नॅशनल काउन्सिल फॉर टीचर्स एज्युकेशन (NCTE) ही परीक्षा आयोजित करते. आधी जाणून घ्या की या परीक्षेचा पॅटर्न काय असतो? किती प्रश्न विचारले जातात? उत्तीर्ण होण्यासाठी किती गुण आवश्यक असतात? सीटेटचा पॅटर्न आणि गुणांची माहिती आम्ही तुम्हाला येथे देत आहोत.

CBSE CTET July 2020: कधी होणार परीक्षा:

परीक्षेचं आयोजन रविवार, ५ जुलै २०२० रोजी करण्यात आलं आहे. परीक्षेसाठी २.३० तासांचा कालावधी असतो. पेपर १ ची परीक्षा ५ जुले २०२० रोजी सकाळी ९.३० ते दुपारी १२ वाजेपर्यंत असेल तर पेपर २ दुपारी ३ ते ४.३० वाजेपर्यंत असेल. सीटेट मध्ये दोन पेपर्स असतात. पहिला पेपर इयत्ता पाचवीपर्यंत शिकवण्याची योग्यता देणारा असतो तर दुसरा पेपर सहावी ते आठवीपर्यंत शिकवण्याच्या पात्रतेसाठी असते. परीक्षार्थी कोणत्याही एक किंवा दोन्ही पेपरची परीक्षा देऊ शकतात.

​परीक्षेचा पॅटर्न:

ही परीक्षा दोन पेपर मोडवर घेतली जाते. यात वैकल्पिक किंवा बहुपर्यायी प्रश्न विचारले जातात. प्रत्येक प्रश्नाचे चार पर्याय असतात. योग्य उत्तर निवडायचे असते. प्रत्येक योग्य उत्तराला एक गुण असतो. नकारात्मक मूल्यांकन नसते. परीक्षा एकूण १५० गुणांची असते. हिंदी आणि इंग्रजी भाषांमध्ये परीक्षा घेतली जाते.

​पेपर – १ मध्ये कोणत्या विषयाचे किती प्रश्न?

• चाइल्ड डेव्हलपमेंट अँड पेडगॉजी – ३० प्रश्न – ३० गुण
• भाषा – १ – ३० प्रश्न – ३० गुण
• भाषा – २ – ३० प्रश्न – ३० गुण
• गणित – ३० प्रश्न – ३० गुण
• एनव्हायर्नमेंटल स्टडीज – ३० प्रश्न – ३० गुण

​पेपर – २ मध्ये कोणत्या विषयाचे किती प्रश्न?

• भाषा – १ (अनिवार्य) – ३० प्रश्न – ३० गुण
• भाषा – २ (अनिवार्य) – ३० प्रश्न – ३० गुण
• गणित – ३० प्रश्न – ३० गुण
• गणित आणि विज्ञान (गणित आणि विज्ञानाच्या शिक्षकांसाठी) – ६० प्रश्न – ६० गुण
• समाजशास्त्र (समाजशास्त्र विषयाच्या शिक्षकांसाठी) – ६० प्रश्न – ६० अंक

​पास होण्यासाठी किती गुण आवश्यक?

नॅशनल काउन्सिल फॉर टीचर्स एज्युकेशन (NCTE) च्या नोटिफिकेशननुसार, टीईटी परीक्षेत उत्तीर्ण होण्यासाठी किमान ६० टक्के गुणांची आवश्यकता असते. म्हणजेच एका पेपरमध्ये उत्तीर्ण होण्यासाठी १५० पैकी किमान ९० गुण मिळवावे लागतात. निवड प्रक्रियेतही सीटेटच्या गुणांना वेटेज दिलं जातं. मात्र CTET उत्तीर्ण होऊनही नोकरीची गॅरेंटी मिळत नाही. पण या योग्यतेच्या आधारे केंद्र सरकारी शाळांमध्ये शिकवण्याची पात्रता मिळते.